Уживајќи статус на најголем спортски меѓународен настан во државата веќе 55 години, секоја година Охридскиот Пливачки Маратон ја привлекува пливачката елита од целиот свет. Оваа година по 23ти пат истиот е дел од 12те маратони на листата на Светската Пливачка Федерација (ФИНА), како еден од најважните маратони со високо реноме. Натпреварувачите пливаат 30км долга патека, почнувајќи од манастирот Св.Наум се до градското пристаниште. Секоја година Охридскиот маратон привлекува илјадници посетители и уште повеќе навивачи, а целиот настан е следен од меѓународните спортски новинари и ТВ станици.

Значењето на маратонот секако го потврдува и фактот што традиционално, како и секоја година така и оваа генерален покровител на Охридскиот маратон ќе биде Претседателот на Република Македонија Господинот Ѓорѓе Иванов.

Македонската сениорска ватерполо репрезентација успешно ги заврши подготовките кои се одржуваа во Будва изминативе 5 дена. Селекторот  Нонкович е многу задоволен од подготовките и играта што ја покажаа нашите репрезентативци во контролните натпревари одиграни со Б репрезентацијата на Црна Гора, особено е задоволен од младинците кои што добија голема минутажа која што ја оправдаа. Заморот на играчите беше проблем но сепак сме на почеток на подготовките за Светското првенство во Рим 2009- изјави Нонкович.

Македонската Ватерполо Репрезентација предводена од селекторот Стеван Нонковиќ и помошник селекторот Боби Кузмановски започна со реализација на своите подговотвки за Светското Првенство во Рим во Будва Црна Гора.  Македонската репрезентација заедно со Б репрезентацијата на Црна Гора го одиграа првиот натпревар од подготовките и тоа:
Црна Гора: Македонија 15 - 11  (  5-2, 3-1 , 4-4 , 3-4 ),
Стрелци за Макдедонија: Вуксанович3, Стојчев1, Мичич1, Арсовски1, Башич1, Крстич2, Лошковски1, Петрович1  
Вториот натпревар со репрезентацијата на Црна Гора беше одигран во петокот (19.06) каде Македонската репрезентација извојува победа од 13:10.
МНЕ:МКД (10:13) (4-1, 2-5, 2-3, 2-4).
Стрелци за Македонија: Вуксанович 3, Мичич 2, Башич 2, Белев 1, Лошковски 1, Димовски 1, Крстич 1, Петрович 2

Томи Стефановски го освои солидното четврто место, што го прави најдобро пласиран македонски репрезент на 22-рото издание на Охридскиот Пливачки Маратон „Охрид 2008“, како дел од овогодинешниот FINA Open Water Swimming Grand Prix 2008, "И самиот сум изненаден од мојот настап. Воопшто не очекував дека ќе бидам во група со најдобрите. Годинава во Охрид дојдоа седуммина од првите осум на светската ранг листа во маратонско пливање што само по себе говори за конкуренцијата и квалитетот на трката“, изјави Стефановски по излегување од водите на Охридското езеро и дополни: „Трката имаше лесно темпо на еден час до финишот. Пливачите ги штедеа силите, но затоа во последниот километар темпото беше пеколно, убиствено. Ги следев конкурентите колку што можев, дадов се' од себе и завршив како четврти што е мој најдобар пласман на Охридскиот маратон“. Првото место го освои по седми пат по ред, со резултат 6:14:51,40 часа, бугаринот Петар Стојчев кој беше како учесник помеѓу 17-те во машка конкуренција и 11 во женска конкуренција. Најдобра кај дамите беше Германката Стефани Милер со време од 6:15:58,67 часа. Втора беше Шпанката Естер Нињес, а трета маратонот го заврши Шери Клајн од Австралија. На маратонот земаа учество 28 маратонци од повеќе земји од светот. Маратонците испливаа 30км долга патека, која почна во Св. Наум, а заврши на Градското Пристаниште во Охрид. Наградниот фонд на оваа пливачка манифестација, чија популарност и промоција од година во година опаѓа, изнесуваше 25.000 американски долари, победниците во машка и женска конкуренција добија по 2.500.

Утре (19.07.2008) ќе се одржи 22-рото издание на Охридскиот Пливачки Маратон „Охрид 2008“, како дел од овогодинешниот FINA Open Water Swimming Grad Prix 2008. На маратонот ке земат учество 29 маратонци од повеќе земји од светот. Маратонците треба да испливаат 30км долга патека, која започнува во Св. Наум а завршува на Градското Пристаниште во Охрид. Генерален покровител и оваа година е Претседателот на Република Македонија. Вкупниот награден фонд за маратонците изнесува 25.000 USD.

Програма на маратонот:

Сабота (19.07) 12:00 ч. „Св. Наум“ - Старт на трката, околу 25 учесници во машка и женска конкуренција,

Сабота (19.07) Околу 17:30 ч. Градско пристаниште, Охрид - Пристигнување на првите пливачи, доделување на медали,

Сабота (19.07) 21:00 ч. Хотел Дрим, Струга - Доделување на наградите и свечено затварање.

Листа на учесници

ВЕЛИЧЕНСТВЕН ПОДВИГ НА МАКЕДОНСКИОТ СПОРТ

Во историјата на Македонскиот спорт се допишува успехот на машката, сениорска, ватерполо репрезентација на 28-то европско првенство во Малага, Шпанија. Покрај ракометарките влегуваат и ватерполистите во аналите на Македонскиот спорт што учествувале на европски или светски првенства.Со премиерен настап нашите ватерполисти го освоија високото 8 место што ни докажува дека можеме да се справиме и со големите сили во ватерполото кои беа директни учесници во првенството. Кога ке се земе севкупниот ангажман, кусите подготовки и тренинзи, набиената програма за одигрување на натпреварите во групата и честото судење на Грчките судии на нашите натпревари, постигнатите резултати покажуваат дека припаѓаме во елитата на ватерполото т.е. на светското првенство во ватерполо 2009 во Рим.

Македонската ватерполо репрезентација ја оствари својата втора победа на Европското Првентво во ватерполо против репрезентацијата на Русија, совладувајќи ја со 13 : 11 во продолжетокот на натпреварот кој во регуларниот тек заврши со резултат 10 : 10.

Со оваа победа Македонија го продолжува својот престој во Малага и останува во борба за седмото место на Европското Првенство со што го потврдува најголемиот успех на македонското ватерполо постигнат во нашата историја.

Од 4-6 Јули младинската репрезентација на Македонија за играчи родени 91год. и помали учествувасе на реномираниот и традиционален wатерполо турнир Диана Куп, каде земаа учество уште и репрезентациите на Романија и Бугарија.

МКД-РОМ 9:5 (1:1);(1:2);(5:1);(2:1)

Состав: Јаневски, Додлев, Манасков (1), Димовски (1), Синадиновски, Белев (2), Стојцев, Николовски, Кондратјук, Пулејковски (2), Лосковски (1), Арсовски (2), Недановски.

БУЛ-РОМ 5:8 (1:3);(2:3);(1:1);(1:1)

Состав: Јаневски, Абдурамани, Манасков, Димовски ,Синадиновски, Белев (1), Стојцев, Николовски, Кондратјук, Пулејковски (1), Лосковски (3), Арсовски (3), Недановски.

На првиот натпревар со Романија со дисциплинирана игра пред се во одбраната и добра организација во нападот,во неизвесни први две четвртини и во извонредни одиграни втори две, Македонија успеа да ја совлада репрезентацијата на Романија на големо изненадување на целиот wатерполо аудиториум кој сто присуствуваше во Софија.

Додека на вториот натпревар против домаќинот, репрезентацијата на Бугарија, со препознатлива игра докажавме дека заслужено го освоивме првото место на турнирот.

Ова е прв пат Македонската репрезентација да го освои Дијана Kуп турнирот на кој настапува со години!

Младите ватерполисти од Македонија по стапките на сениорите денеска ја победија репрезентацијата на Романија со 9 : 5 на турнирот Дијана кој се одржува во Софија, Бугарија. Стрелци на головите за нашата репрезентација: Атанас Делев (2), Александар Арсовски (2), Мартин Пулејковски (2), Лошковски Стефан (1), Димовски Димитар (1), Христијан Манасков (1).

Резултатот по четвртини беше: прва четвртина (1-1), втора (1-2), трета (5-1), четврта (2-1).