www.pfm.org.mk

Skip to content

You are here: Почеток

Пливачка Федерација на Македонија

Дојрански спортски ракувања 2012

Пон - 10 Сеп Напишано од PFM Admin

Во духот на човекот е да создава големи дела кои треба да сведочат за времето кое поминало, дела кои ќе бидат гордост, кои ќе останат како пример и предизвик за сите народи и држави во светот.

Проектот за спас на Дојранското езеро овозможува да се возобнови Дојранскиот Маратон кој традиционално се одржувал во минатото. Во таа насока, Пливачката Федерација на Македонија во согласност со својот план и програма, а во коорганизација на Хотел Истатов и Хотел Полин, организира Македонски куп во далечинско пливање “Дојрански спортски ракувања“ 2012 година на 16 ти Септември (недела) на Дојранското езеро со старт на трката кај плажата Полин.

Повеќе...

Одложен купот "КОЗЈАК" 2012

Пет - 31 Авг Напишано од PFM Admin

Купот во далечинско пливање „Козјак 2012“ кој што требаше да се одржи во сабота 1ви септември 2012 година се одложува поради пожарите кои се активни на теренот околу езерото Козјак. Иако организациски се е подготвено за одржување на настанот, за жал, поради „виша сила“ и од безбедносни причини приморани сме да го одложиме настанот.

Во моментов најважно е да се изгаснат пожарите и да се санираат штетите предизвикани од нив, а за новиот термин на маратонот дополнително ќе се одлучува во наредните денови доколку временските и безбедносните услови го дозволуваат тоа.

Македонски куп во далечинско пливање "КОЗЈАК" 2012 година

Чет - 23 Авг Напишано од PFM Admin

Земајќи го в предвид фактот дека живееме во едно сресно време, кога најголемиот дел од времето младите го поминуваат играјќи на компјутер, како и идејата дека младите кои спортуваат се посилни и поздрави отколку оние кои не се вклучени во физички активности, на самиот старт на оваа учебна година, Пливачката Федерација на Македонија (ПФМ), во согласност со својот план и програма, а во коорганизација на ЈПУЗПП ЈАСЕН, ќе организира Македонски куп во далечинско пливање “КОЗЈАК“ – 2012 година.

Стартот на овој настан е закажан за 01 Септември (сабота) 2012 година, на езеро Козјак, со старт на трката во Близанско - поречие.

Повеќе...

Стојчев победник на Охридскиот маратон

Пон - 20 Авг Напишано од PFM Admin

Победата не е случајна, таа е плод на макотрпна работа и треба да се каже јасно кој е овде најдобриот. Освоив се што можеше да биде освоено и првите места и некои други награди, а сега го поставив и рекордот на патеката Климе Савин, што ли уште треба? Доста е, изјави Петар Стојчев по пристигнувњето на целта.

Дваесет и шестиот Охридски Маратон, одржан на 19.08.2012, го донесе новиот рекорд на патеката Климе Савин. Со рекордни 5 часа, 19 минути, 30 секунди и 35 стотинки, Петар Стојчев од Бугарија, ги исплива 30 – те километри, а со овој резултат го донесе и новиот рекорд на маратонската охридска патека.

Повеќе...

26-ти Меѓународен Охридски маратон

Пет - 17 Авг Напишано од PFM Admin

Вкупно 29 натпреварувачи, од кои 18 мажи и 11 жени од пет континенти ќе учествуваат на годинашниот 26-ти Охридски пливачки маратон, што ќе почне в недела во 12 часот и ќе се плива на патеката „Климе Савин“ на Охридското Езеро.

Шестчлената македонска експедиција ќе ја предводи третопласираниот од минатата година Евгениј Поп Ацев. Нему ќе му се придружат и Александар Илиевски, Дејан Младеновски, Александар Панчевски, Миро Крстевски и Александар Тороманоски. Иако беше пријавен, настапот на овогодинешниот маратон поради повреда го откажа второпласираниот од минатата година, Томи Стефаноски.

Повеќе...

Младите ватерполисти на квалификации за ЕП

Чет - 24 Мај Напишано од PFM Admin

Младинската ватерполо репрезентација на Македонија во периодот од 24 до 27 мај учествува на квалификациониот турнир за пласман на Европското Првенство за ватерполисти под 19 години кој се одржува во Варна, Бугарија. Во нашата група освен Македонија учествуваат и Русија, Бугарија, Израел и Украина, а само прво пласираните две репрезентации ќе обезбедат учество на Европското Првенство кое ќе се одржи во септември годинава во Франција.

Oчекувањата за квалификациониот турнир ги пренесува селекторот Сашо Христовски: „Не можеме да бидеме големи оптимисти за пласман на Европското првенство. Со оглед на тоа што во минатиот период имавме големи проблеми со одржување на формата на ватерполистите која до тогаш имаше нагорна линија, но за жал истата опадна затоа што формата не се одржува доколку ватерполистите немаат основни услови за тренинг и воигрување.

Повеќе...

Достоинствен пласман на 6-то место за ватерполистите

Пон - 09 Апр Напишано од PFM Admin

Ватерполо репрезентацијата на Македонија достоинствено го заврши квалификациониот турнир во Едмонтон Канада освојувајќи го 6-тото место на турнирот во конкуренција на 12 репрезентации. Вчера во борбата за 5-тото место нашите репрезентативци несреќно го загубија мечот во последните секунди иако на неполна минута пред крајот имаа можност да го добијат натпреварот и да завршат и на петтото место.

Се на се, ватерполистите достојно ја преставија нашата земја извојувајќи 2 победи против Холандија и Германија. Со малку повеќе среќа особено во натпреварите против Романија, а потоа и Канада, пласманот на Олимписките игри во Лондон ќе беше на дофат. Во продолжение е историјатот на натпревари на ватерполо репрезентацијата на Македонија и конечниот пласман во групата А на квалификациониот турнир во Едмонтон.

Повеќе...