You are here: Почеток

Пливачка Федерација на Македонија

Младите ватерполисти на квалификации за ЕП

 

Младинската ватерполо репрезентација на Македонија во периодот од 24 до 27 мај учествува на квалификациониот турнир за пласман на Европското Првенство за ватерполисти под 19 години кој се одржува во Варна, Бугарија. Во нашата група освен Македонија учествуваат и Русија, Бугарија, Израел и Украина, а само прво пласираните две репрезентации ќе обезбедат учество на Европското Првенство кое ќе се одржи во септември годинава во Франција.

Oчекувањата за квалификациониот турнир ги пренесува селекторот Сашо Христовски: „Не можеме да бидеме големи оптимисти за пласман на Европското првенство. Со оглед на тоа што во минатиот период имавме големи проблеми со одржување на формата на ватерполистите која до тогаш имаше нагорна линија, но за жал истата опадна затоа што формата не се одржува доколку ватерполистите немаат основни услови за тренинг и воигрување. 

 

Достоинствен пласман на 6-то место за ватерполистите

Ватерполо репрезентацијата на Македонија достоинствено го заврши квалификациониот турнир во Едмонтон Канада освојувајќи го 6-тото место на турнирот во конкуренција на 12 репрезентации. Вчера во борбата за 5-тото место нашите репрезентативци несреќно го загубија мечот во последните секунди иако на неполна минута пред крајот имаа можност да го добијат натпреварот и да завршат и на петтото место. 

Се на се, ватерполистите достојно ја преставија нашата земја извојувајќи 2 победи против Холандија и Германија. Со малку повеќе среќа особено во натпреварите против Романија, а потоа и Канада, пласманот на Олимписките игри во Лондон ќе беше на дофат. Во продолжение е историјатот на натпревари на ватерполо репрезентацијата на Македонија и конечниот пласман во групата А на квалификациониот турнир во Едмонтон.

 

Нови успеси на Марко Блажевски

Успешен настап на нашиот пливач Марко Блажевски во Монтреал на изборниот натпревар на Канадските пливачи за Олимпијадата во Лондон  (27.03-01.04.2012). Натсапуваат 700 пливачи од Канада и пливачи од повеќе држави од Европа, Мексико и САД. Првите двајца од Канада се здобиваат со право да настапат на Олимпијадата во Лондон за Канада, а странските пливачи имаат право да пливаат само Б финале и да исполнат Олимписки норми. На ова натпреварување Марко настапува под знамето на Република Македонија.

Шрвиот и вториот ден Марко Блажевски настапи на 400м мешано и 200м делфин и два пати ги подобруваше своите времиња во квалификациите и во финалните трки. На 400м мешано во Б финале се пласираше на второто место со време 4.29.07. На 200м делфин во Б финале се пласира на трето место со врме 2.03.00. Во третиот дел постави нов апсолутен рекорд на Македонија на 400м слободно со време  4.03.19. Стариот рекорд беше на Александар Маленко кој стоеше повеќе од 15 годнини. 

Треба да се напомене деке Блажевски е во извонредна форма и неговите резултати се во постојан подем, кои даваат надеж дека Блажевски ќе ја исполни Олимписката норма. 
 

Ватерполистите ги чекираа картите за Едмонтон


Заврши периодот на неизвеснот за ватерполистите и за Пливачката федерација на Македонија! Денес официјално е потврдено дека ватерполо репрезентацијата на Македонија заминува за Едмонтон каде со останатите репрезентации на турнирот во Канада ќе се бори за пласман на Олимписките игри во Лондон.
 
Изјави: 
 
„И покрај сите неизвесности и проблеми како недостатокот на финансии, откажување на билетите од агенциите, сепак на крајот докажавме дека националното чуство преовладa и со помошта на неколку поединци, поддржувачи и спонзори во последните мигови успеавме да дојдеме до решение на сите проблеми и докажавме дека сонот може да стане реалност. Би сакале да се заблагодариме на Агенцијата за млади и спорт и директорот Лазе Поповски како и на сите останати помагатели кои потпомогнаа во овие тешки мигови. Се надеваме дека потешкотиите кои ги имавме при заминувањето на ватерполо репрезентацијата ќе ни се вратат со среќа на натпреварите во Едмонтон!“
 
- Пливачка Федерација на Македонија
   

Прием кај министерката за внатрешни работи г-ѓа Гордана Јанкулоска

Ватерполо репрезентацијата на Македонија денес беше примена од Министерката за внатрешни работи Гордана Јанкулоска во Министерството за внатрешни работи на РМ при што министерката Јанкулоска им честита на ватерполистите за сите досегашни успеси како и за афирмацијата на македонскиот спорт а со тоа и на целата држава. Министерката Јанкулоска им посака уште поголем успех на претстојниот квалификациски турнир во Едмонтон (Канада) на кој што македонските ватерполисти ќе се борат за едно од местата кои водат на Олимпијадата во Лондон.
 
Ватерполо репрезентацијата на министерката Јанкулоска и подари ватерполо топка со постписи од сите ватерполисти како и врамена плакета со освоената бронзена медалја од минатогодишната Универзијада во Кина каде македонските ватерполисти го освоија третото место и ја донесоа првата медалја освоена од една македонска репрезентација на големите меѓународни натпреварувања.
 

Светска лига: Победа над Германија

Со победата над ватерполо репрезентацијата на Германија во последниот дуел од групата „Б“ на Светската Лига во ватерполо, нашата репрезентација го заокружува учеството во ова реномирано натпреварување. Откако резултатот во регуларниот тек заврши нерешено 9:9 (по четвртини 1:4; 3:2; 2:1 и 3:2), во пенал серијата успеавме да ги совладаме Германците со 13:12.
 
Македонската репрезентација настапи со видно изменет состав во однос на претходните натпревари, но очигледно беше дека новиот селектор Поповски одлично ги имаше мотивирано своите избраници. Нашите ватерполисти покажаа храброст и борбена игра што се покажа како пресудно, со оглед дека на две и пол минути до крајот губеа со 9-7, но собраа сили да стигнат до израмнување и да го одведат овој меч во пенал-рулет.  
 
При изведувањето на пеналите маестрален беше македонскиот голман Маринковиќ, кој што одбрани неколку удари на противниците, вклучувајќи го и оној последниот на Улер, па по седмата пенал-серија Македонија можеше да го прослави својот прв триумф во Светката лига.

За нашиот тим ова е убав вовед во почетокот на подготовките за настап на квалификацискиот турнир за пласман на Олимписките Игри, кој ќе се одржи во Едмонтон, а токму селекцијата на Германија ни е еден од конкурентите во борбата за настап во Лондон.  
 

Прием на универзитетската ватерполо репрезентација кај Премиерот Никола Груевски


Претседателот на Владата на Република Македонија, г-дин Никола Груевски, вчера оствари средба со членовите на македонската универзитетска ватерполо репрезентација.

На средбата премиерот Груевски им честита на младите ватерполисти за освојувањето на бронзениот медал на Универзијадата што минатата година се одржа во Кина, што претставува прв медал за Република Македонија во групните спортови.

Премиерот Груевски ги информираше младите ватерполисти дека Владата на Република Македонија континуирано работи на подобрување на спортската инфраструктура во државата преку изградба на спортски сали, фудбалски игралишта и други видови на спортски терени. 

   

Лист 9 од 12

Пливање

Ватерполо Репрезентација

Ватерполо Клубови

Последни фотографии

Спонзори и помагатели

Банер
Банер
Банер
Банер

Медиумска поддршка

Банер

Линкови

http://www.fina.org/
Светска пливачка федерација
http://len.eu/
Европска пливачка федерација
Waterpolo EC 2012 Eindhoven
Официјален портал за ЕП 2012 во ватерполо