Сензација среде Братислава!

На вториот натпреварувачки ден од Европскиот квалификациски турнир за пласман на Олимписките игри во Пекинг 2008 г. во Братислава се случи првата сензација. Репрезентацијата на Република Македонија прикажувајќи извонредна игра среде Братислава, ја победи репрезентацијата на домаќинот, Словачка, со 10:8 и ја извојува првата победа на турнирот.

Останати одиграни натпревари:

Група Б 11:30 ч. Ц. Гора - Словенија          19:4
Група Б 13:00 ч. Италија - Холандија          10:4
Група A 17:00 ч. Франција - Русија             8:14
Група A 18:30 ч. Македонија - Словачка    10:8
Група Б 20:00 ч. Романија - Германија       7:10

Инфо телефон за новинарите: +421915080322

Заврши првиот ден од Европскиот квалификациски турнир за пласман на Олимписките игри во Пекинг 2008 г. во Братислава, Словачка.
Постигнатите резултати беа очекувани. Во супер дерби мечот последен на репертоарот од првиот ден, репрезентативците на Црна Гора ги победија своите колеги од репрезентацијата на Италија со 12:8 со што потврдија дека се најсериозен кандидат за пласман на Олимписките игри во Пекинг 2008г.

Конечни резултати од првиот натпреварувачки ден (02.09.2007):

Група А 11:30 ч. Германија - Франција       19:5
Група Б 13:00 ч. Грција - Словенија            13:4
Група A 16:30 ч. Романија - Македонија      14:9
Група A 19:00 ч. Русија - Словачка               9:8
Група Б 20:30 ч. Италија - Ц. Гора              8:12

Инфо телефон за новинарите: +421915080322

Група A 16:30 ч. Романија - Македонија      14:9

Нашите репрезентативци достојно ги бранеа боите на Република Македониjа во дуелот со појакиот противник na првиот меч од турнирот ремизирајќи во првата четвртина и добивајќи ја последната четвртина во своја корист.

Утре, на вториот ден од Европскиот квалификациски турнир за пласман на Олимписките игри во Пекинг 2008 г. нашата репрезентација ќе игра против репрезентацијата на домаќинот, Словачка.

Инфо телефон за новинарите: +421915080322

Од 02 до 09 Септември 2007 г. во Братислава, Словачка ќе се одржи Европскиот квалификациски турнир за пласман на Олимписките игри во Пекинг 2008 г.
На турнирот настапуваат репрезентации како Црна Гора, Италија, Романија, Грција, Германија и други кои претставуваат врв во светското ватерполо.

По извонредните игри кои ги прикажа Македонската ватерполо репрезентација на Б Европското првенство во Манчестер со освојувањето на високото 4-то место избори пласман за настап на овој престижен турнир.
Нашата репрезентација се наоѓа во Групата А каде денеска во 16:30 ч. ќе има тежок натпревар против фаворитот, репрезентацијата на Романија.

Одиграни натпревари:
Група А 11:30 ч. Германија - Франција 19:5
Група Б 13:00 ч. Грција - Словенија      13:4

Инфо телефон за новинарите: +421915080322

На 21 јули, оваа Сабота, на прекрасното Охридско езеро ќе се одржи 21-то издание на Охридскиот пливачки маратон. Како и секоја година, така и оваа, Охрид ќе биде домаќин на светската маратонска елита во машка и женска конкуренција.

Историски пласман на Македонската ватерполо репрезентација на Б - Европското првенство во Манчестер 2007.
Во група заедно со фаворизираната репрезентација на Ц. Гора и јаката репрезентација на Белорусија, нашите репрезентативци постигнаа голем успех. Со извонредни игри победувајќи ги Белорусија, Турција, Белгија и Малта, а доживувајќи само еден пораз и тоа од супер тимот на Ц. Гора нашата репрезентација заслужено го освои второто место во А Групата со што избори пласман во четврт-финалето.
Наш противник во четврт-финалето беше репрезентацијата на Украина која со сигурна игра за време на целиот натпревар целосно ја надигравме и заслужено се пласиравме во полу-финалето.
Таму не чекаше минатогодишниот шампион, репрезентацијата на Франција. Во многу тежок натпревар во кој нашите репрезентативци успеаа да добијат две четвртини, искуството на репрезентативците на Франција беше пресудно, при што загубивме со 12-9.
Во борбата за третото место се сретнавме со репрезентацијата на Белорусија на чија страна овој пат беше спортската среќа. Во трилер натпревар, Белорусите беа подобри само за еден гол (8-7).
Освојувањето на четвртото место сепак е најголемиот успех во историјата на Македонското ватерполо, при што тоа место не води директно во квалификациите за настап на Олимписките игри во Пекинг 2008г.

Изминатиот месец во Скопје интензивно се одвиваа подготовките на нашата ватерполо репрезентација за престојниот предизвик во Манчестер.
Под водство на реномираниот ватерполо стручњак Александар Крстоношиќ и со максимално залагање од страна на нашите репрезентативци, подготовките во целост беа успешни и придонесоа за значително зголемување на самодовербата во нашите редови.
Од 02-06.07.2007 нашиот национален тим престојуваше во Амстердам каде беа одиграни неколку пријателски натпревари со соодветниот тим на Холандија. Победите извојувани над Холандската репрезентација, која високо котира во европски рамки, ни даваат реални надежи за висок пласман на Б - Европското првенство во Манчестер.

Денес, во извонредно тежок натпревар, нашата сениорска репрезентација со 12:8 ја победи репрезентацијата на домаќинот Данска и освојувајќи го второто место на табелата избори право за историски настап на Б-Европското првенство во ватерполо кое ќе се одржи ова лето во Манчестер, Англија. Откако вчера, во несреќни околности, со помош на судиите, нашата репрезентација загуби од репрезентацијата на Белгија со резултат 10:8, денес под уште поголем притисок од страна на публиката и судиите нашите ватерполисти, давајќи се од себе, го постигнаа најголемиот успех во историјата на Македонското ватерполо.

Сениорската ватерполо репрезентација на Република Македонија направи успешен come back на европската сцена со вчерашната победа од 11:7 над репрезентацијата на Чешка. Како дел од квалификацискиот турнир за Б -Европското првенство кој се одржува во Одензе, Данска, нашите ватерполисти треба да се соочат и со репрезентативците на Белгија и на домаќинот Данска.

На вчера одржаниот маратон Санта Фе - Рио Коронда 2007 во Аргентина нашиот маратонец Михајло Ристовски патеката долга 57км ја исплива за време од 7:42.51 и го освои извонредното 5-то место. Најбрз беше Петар Стојчев, повеќекратниот освојувач на ФИНА Светскиот Куп во маратонско пливање, а веднаш зад него завршија Дамјан Блаум (АРГ) и Тихомир Иванчев (БУЛ).

Овој пласман претставува уште еден извонреден резултат за Михајло Ристовски во натпреварите од ФИНА Светскиот Куп во маратонско пливање 2007.

На вчера одржаниот маратон Хернандариас - Парана 2007 во Аргентина нашиот маратонец Михајло Ристовски патеката долга 88км ја исплива за време од 9:16.11 и го освои извонредното 4-то место веднаш зад Петар Стојчев, повеќекратниот освојувач на ФИНА Светскиот Куп во маратонско пливање. Најбрз беше домашниот пливач Дамјан Блаум, а веднаш зад него заврши Александер Стуѕински од Германија.

Овој резултат претставува одличен старт за Михајло Ристовски во натпреварите од ФИНА Светскиот Куп во маратонско пливање 2007.

На неодамна извршеното извлекување за групите на квалификациските турнири за „Б“ Европското ватерполо првенство нашата ватерполо репрезентација беше извлечена во групата Б во која заедно со Данска, Чешка и Белгија ќе се бори за пласман на „Б“ Европското ватерполо првенство во Манчестер, Велика Британија. Домаќин на групата Б е градот Одензе, Данска каде од 16-18 Март ќе се води жестока битка за првите две места кои водат во Манчестер.

На 02.12.2006 во Сомбор, Србија во организација на пливачкиот клуб Феникс се одржа традиционалниот меѓународен пливачки митинг „Феникс 2006“. Наши претставници беа пливачите од клубовите ПК „Вардар“, ПК „Бамбини“, ПК „Делфин“ и ПВК „Орион“ од Скопје кои постигнаа извонредни резултати.

ПВК „Орион“
Ристовска Мирјана, категоријата „Е“, 50м слободно (36:49) 1-во место и 50м делфин (42:40) 1-во место; Марковски Ведран, категоријата „F“ , 50м грбно (41:83) 1-во место, и 50м слободно (34:62) 3-то место.

ПК „Бамбини“
Тасевска Тијана,„В“ категорија, 100м мешано (1:18:87) 1-во место, и 50м слободно (30:95) 2-ро место; Секуловска Ели, „D“ категоријата, 50м делфин (36:31) 1-во место, и 50м слободно (32:99) 2-ро место; Спасовска Тијана, катефоријата „C“, 50м градно (40:49) 1-во место, и 50м делфин (37.13) 3-то место; Стефановски Бојан, категорија „F“, 50м делфин (45:55) 3-то место; женска штафета 4х50м делфин (2:39:06) 3-то место.

Од 10-12 Ноември 2006 година, на базенот „Млаост“ - Карпош ќе се одржи меѓународниот ватерполо турнир Скопје 13-ти Ноември 2006. На овој турнир ќе настапат седум екипи од кои четри сениорски. Организатор на овој турнир е ВК Вардар.

Во Недела, 12 Ноември 2006 година, во 12ч. во хотел „Центар“ ќе се одржи Семинар за ватерполо тренери во млади категории во организација на Пливачката Федерација на Република Македонија и Тренерската ватерполо организација на кој учество ќе земат наши еминентни стручњаци од областа на ватерполото, пливањето, спортската психологија и психо-моториката.

ФИНА ги одреди А и Б стандардите за квалификациските норми за 29-те Олимписки игри кои ќе се одржат во Пекинг 2008 година.

Во вчерашното финале на 27-то ЛЕН Европско првенство во ватерполо за мажи на кое за титулата се бореа репрезентациите на Србија и нивниот најголем конкурент Унгарија, во неизвесен натпревар домаќинот славеше со 9:8 и за прв пат под новото име го освои европското залато. Во борбата за третото место Шпанија убедливо ја совлада Романија со 10:4.
Во женскиот дел од турнирот, исто така, се одигра извонредно финале во кое репрезентативките на Русија ги совладаа своите сопернички од Италија со 12:10. Трета беше Унгарија која во неизвесен меч ја совлада Шпанија со 12:11.

Од 1-10 Септември во Белград, Србија ќе се одржи 27-то ЛЕН Европско првенство во ватерполо за мажи и жени.
12 репрезентации во машка и 8 во женска конкуренција на спортските комплекси Ташмајдан и Бањица ќе се борат за освојување на европскиот трон.

Од 29 Август до 3 Септември во Наполи, Италија ќе се одржи 4-то ФИНА Светско првенство во маратонско пливање. Стотици натпреварувачи од целиот свет ќе се натпреваруваат на Тиренското Море во дисциплините 5, 10 и 25км.
Наш претставник е Михајло Ристовски кој на 3 Септември ќе ги брани боите на нашата татковина во трката на 25км.

28-то ЛЕН Европско Првенство во пливање се одржа во периодот од 26 Јули до 6 Август во Будимпешта, Унгарија. Извонредно организираното првенство на кое настапија бројни спортисти од цела Европа беше крунисано со рушење на неколку светски и европски рекорди.
Наш единствен претставник во Будимпешта беше Весна Стојановска која настапи во квалификациите на 200м пеперутка и 400м слободно. На покусата патека го освои 21-то место со време 2:18.10, а на 400м слободно беше 28-ма со време од 4:35.01.

Нашата пливачка Елена Поповска на Балканијадата која се одржа изминатиот викенд на Кипар, во дисциплината 50м слободно постави нов државен младински рекорд освојувајќи го второто место со време од 27:75.

ПроКредит Банка, се погрижи и малите населени места да добијатбанкомат, при што месното население и бројните посетители во Пештани долж охриската ривиера нема да мораат да одат до градот, за да ги употребат своите картички. Имено, банкоматот ги поддржува сите брендови на дебитни и кредитни картички: Виза, Мастер, Маестро како и ПроКард сопствената картичка на ПроКредит Банка и е видливо лоциран кај продавниците покрај автопатот.Пештанци, први добија бесплатни дебитни картички од ПроКредит Банка, за користење набанкоматот.

На денот на 20-ттиот јубилеен маратон, светската елита во маратонското пливање, предводена од петкратниот победник на Охридскиот маратон, Петар Стојчев, ја направи првата трансакција на банкоматот.

Банката до крајот на годината планира да ја достигне бројката до 60 инсталирани банкомати, пред се имајќи ги во предвид потребите на населението во внатрешноста на Македонија.